Photo News: Ukraine Ram Runvengtu Phu (Ukraine’s Territorial Defense Forces)

A tanglei hmanthlak hi Ukraine’s Territorial Defense Forces tiah auhmi Ukraine Ram Kilvengtu/Runvengtu Hriamtlai Phu an hmanthlak tiah VOA English nih 2022 January 29 ah a thlah mi a si.

Russia nih nih an ramri le a kiangkap ah Ralkap thong tampi in a chiah hnawh hna caah le Ukarine an kan tukdoh sual ko lai tiah ruah in mi tampi nih Ukraine ralkap (reserve sinak in) ah an lut thluahmah.

Russia nih an ramri ah a chiahmi Russia ralkap hi 100,000 leng an si lai tiah an ruahdamh. Cucaah, kahdohnak fakpi in a chuak kho men tah cheukhat nih an zumh.

Ukraine Ralkap hi an dihlak ah 215,000 an si. 2014 thawk in Russia nih a dirkamhmi le bawmhmi hriamtlai phu he an buai zungzal cangmi a si.

Asinain, nihin tiang ah cun Russia nih Ukraine hi lak ka tim lo, kahdoh ka tim lo tiah a al lengmang rih.

Hi bantukin Russia nih Ukraine lei ah buaibainak a chuahpi tik ah, Ramkomh Kawlram kong a buai cuahmah mi US nih biapi tuk ah a chiahmi hi Ukarine lei ah a thial tiah a timi zong an um.

US nih cun, Russia nih Ukraine kahdohnak a tuah taktak le a lak timh ahcun, fakpi in chawlehnak phih ding le a herhning in Ukarine bawmh ding a timhnak an langhter bal cang.#

Photo: VOA English

Na ruahning rak langhter ve.. (Leave a comment)

%d bloggers like this: