Phunghram Pi Hlonh Ding Lamzawh Aa Tim Mi An Tlaih Hna

Aung Aung| 2018 January 18| 2008 Phunghram hrawh ding in January 19, Naypyidaw ah lamzawh in duhnak langhter a tim mi pawl cu rampi muihmai a chiattertu tlaihnak upadi pohmah 505 (b) in January 18 ah an tlaih hna.
Tu hi Daw Lay Lay tiin auhmi Daw San San Oo le Ko Naung Naung an tlaih hna an dihlak ah minung paruk tlaih ding an si tiin palek nih an chim tiah Daw Lay Lay nih a chim.

“Naypyidaw ah 2008 phunghram hrawh ding in kan i tim i Dagon Seihkaan peng uk palek bawipa nih minung paruk taza a kan cuai i tu hi keimah le Ko Naung Naung lawng an kan tlaih rih” tiah a chim.

2008 phunghram hrawh ding, ram mi dihlak aa tluk tein covo ngeih khawh nak, upadi lo ning nawlngeih nak hmang in tlaihkhih ngol ding le upadi nawlngeih nak le biaceihnak suttung hi ding te le fel tein a kal khawhnak ding timi thil pali hal ding in Dagon Seihkaan peng ah January 18 zanlei sml. 3 ah i ton i January 19 Naypyidaw ah kal ding an si.
Minung kan i hngahnak hmun ah an kan tlaih i zeiruang ah an kan tlaih ti zong kan hngal rih lo tiah Daw Lay Lay nih cun a chim.

An tlaih mi han pahnih cu January 18 zanlei sml. 5 tluk ah Insein thong ah an kuat hna.

RFA Burmese