Phungning Lo Vawlei Zuartu Tiah Tlaih Mi Minung Paruk Hakha Biaceih Zung Ah Bia An Ceih Hna Lai

0

676 Ekah Hakha Sangthar/ TCP August 3, 2019

Salai CungCung|2019 September 12|Hakha ah upadi ning loin Chin ramkulh cozah nih sangthar samh mi hmun chungin a zuartu tiah phuan (report) mi minung paruk cu Hakha biaceih zung an phan lai tiah kan theih.

“Tu lio hi kan chekfel lio pi a si. Biaceih zung an phan lai i an sual ah cun an sual ning tein dantat an si ko lai, an sualnak a um lo ahcun an luat ko lai. Kan mah pelek cu upadi biakhiah ning in kan tawlrel te ko lai. Upadi lei nih biakhiahnak ngeih hlan ah zei hmanh kan chim kho rih lo. Mah hna pawl cu Upadi poh-mah 6 (1) a si. Kan nih cu thildik lei kap in kan dir peng ko lai” tiah Chin ramkulh palek zung lei chinphuanak nawl ngeitu palek bawi U Hteh Win nih The Chinland Post ah a chim.

Hi report in tlaih mi hna minung paruk; Pu Zung Mang, Pi Ngun Par, Pu Chan Tling, Pu Bawi Awr, Dr Hrang Kil, Pu Hmet Al hna cu September 9 ni ah palek nih an rak tlaih hna hi an si. Mah hna pawl cu zeitik biaceih an si lai a fiang rih lo.+++

 

 

Hakha Mizapi Ngeih Mi Vawlei Ning Cang Loin A Tuah Tu Minung 6 An Tlaih Hna

Salai CungCung|2019 September 9| Chin ramkulh Hakha khua ah mizapi ngeih mi  ning cang loin a hmang mi nu pakhat telh in minung pa 6 cu Hakha palek nih an tlaih hna i palek zung ah an chiah hna tiah kan theih.

Hi minung pa 6 hna cu Chin ramkulh cozah nih Hakha sangthar samh ding in timh tuahnak a ngeihnak hmun ah vawlei hmun a zuar tu hna an si tiah ruah mi an si caah tubantuk in an tlaih hna hi a si.

Hi an tlaih mi pawl hna cu, Pu Zung Mang (kum 60), Pu Bawi Awr (kum 54), Pu Chan Thleng (kum 60), Rev.Dr Hrang Kil (kum 58), Pu Hmet Al (kum 74), Pi Ngun Par (kum 52) an si i tu zing September 9 (nikhatni) ah an tlaih hna hi a si.

“Hi kan tlaih mi pawl cu suimilam 24 chung lawng tlaih an si rih caah tu zing lawng in hin a hmuh (case) chekfelnak kan tuah khawh hna. Sual tuah tu lei minung tampi chekfel ding an si caah caan tam deuh cu kan lak te ko lai. Thlakhat chung ah an (case) a zapi chekfel ding in timh tuahnak kan ngei” tiah Hakha palek zung in palek bawi U Thein Zaw Oo nih a chim.

Hi sangthar samh mi Area chung ah a ummi upadi ning loin khua a sami hi  inn 120 leng an si i cozah lei nih August 20 ah khan an hrawh piak hna. Tu lio palek zung ah an tliah mi hna chung in Pu Zung Mang, Pu Bawi Awr, Pu Hmet Al le Rev. Dr Hrang Kil hna cu an dam pah hna lo caah chungkhar lei lungretheih ngai in an um ko tiah kan theih. (Ref.Khonumthung)

 

 

About The Author

Na ruahning rak langhter ve.. (Leave a comment)

%d bloggers like this: