Pi Suu Kyi Min Pu In Suu Vocational Institute Sianginn Hunnak An Tuah

0

TCP-Online| 2018 February 2| Ramkomh ruahnakpetu Pi Suu Kyi min pu in Suu Vocational Institute sianginn cu Yangon khuapi Hlengthaya ah January 30 ni khan hunnak an tuah.

Hi sianginn cu U Aung Thein le Daw Leh Leh hna nih NLD zung ca ah an hlutmi hmun a si i, sianginn saknak ca a dihlak Kyats ting 1100 an dih. MPT lei nih sianginn ca hman ning Computer 30 an hlut hna.

Hunnak tuah ni ah NLD Center Committee chungtel U Ngain Win le Yangon ramthen CM U Phyo Min Thein hna an kai kho. U Ngian Win nih “NLD ah kan pi bik a simi Pi Suu Kyi nih hin fimcawnnak sianginn nakin tubantuk sianginn, pumpak rian kawl khawh tiang thiamnak (vocational) sianginn phun hi thazaang a pek deuh ngaimi a si. Amah zong nih fimcawnnak kong a chim paoh ah a chim chih pengmi zong a si” tiah a chim.

Suu Vocational Institute ah hin Mirang ca cawnnak, Janpan holh cawnnak le Computer lei cawnnak hna in an thok i hnu deuh cun thil thit cawnnak le Mobile Phone remh cawnnak hna chap a si lai ti kan theih. Kum 17 in cunglei a simi paoh nih kai khawh a si i Course pakhat ah a tambik minung 30 lawng an sinah hna ti kan theih.

Ref; The Mirror Daily

About The Author

Na ruahning rak langhter ve.. (Leave a comment)

%d bloggers like this: