Pi Suu Kyi Nih A Ngahmi Nobel Daihnak Laksawng Chuh A Si Lai Lo

Aung San Suu Kyi

TCP-Online| 2018 Augst 29| Kawlram nih nuhrin covo a buar tiah chim hmanh hna sehlaw Pi Suu Kyi nih a ngah cangmi Nobel daihnak laksawng cu lakpiak/chuh than a si lai lo tiah Nobel Committee nih an chim.

UN nih cacawn nikhat ni ah report a pekmi, Rakhine ramkulh ah nuhrin covo buar in rian an tuannak langhter ko hmanh hna sehlaw ramkomh ruahnak petu Pi Suu Kyi nih a rak hmuh cangmi Nobel daihnak laksawng cu chuh than a si lai lo tiah Norway ram Nobel Committee in Director Olav Njolstad nih a chim.

Hiti Nobel Committee lei nih an chimnak a ruang cu, atu lio Rakhine ramkulh buainak kong i a chuakmi ruangah hin Pi Suu Kyi nih a rak ngah cangmi laksawng tampi an chuh than caah Nobel daihnak laksawng a rak comi teh chuh timh a si maw ti halnak a um caah, Nobel Committee lei nih chuh lo dingin an chim hi a si.

Suu Kyi nih a hmuhmi Nobel daihnak laksawng cu 1990 kum Kawl ralkap cozah nih innthong an rak thlak lioah an rak pekmi laksawng a si.

Ref; VOA

Na ruahning rak langhter ve.. (Leave a comment)

%d bloggers like this: