Pi Suu Kyi Nih Kan President Thar U Win Myint Hi Rian A Phawt Ve Awk A Si: Dr Sui Khar

TCP-Online| 2018 March 30| Kawlram President thim tharmi U Win Myint nih ramkhel kong, chawlehnak kong, Fimcawnnak kong, Ngandamnak kong le Zatlang nun kong hna ah zeitin rian a tuan lai i hma a lak te lai ti tulio cu ho cio nih zoh cio a si.

Kawlram ah President a pa 10nk simi U Win Myint nih Kawlram ramkhel kong hna zeitin a kalpi te lai ti  ruahnak halnak cu Irrawaddy thanhca nih tlangcung hruaitu upa cheukhat sin biahalnak a tuah hna.

Cu an tuahmi ah Irrawaddy thanhca nih Chinmi chungin Dr. Sui Khar bia an hal. Dr. Sui Khar nih cun “Pi Suu Kyi nih President U Win Myint hi rian tuanding a phawt ve awk a si” tiah a chim.

Irrawaddy thawngzamhca i Dr. Sui Khar nih a chimmi cu “Tu ah President thar a vun kai. Kan ram cozah hruai ning zoh tikah Pi Suu Kyi nih a zeilei paoh ah hruaitu tim in aa thlak len kan hmuh. Cu tikah amah ca hrim ah rian zong a tam tuk i President U Win Myint hi/nih a tuanawk a simi rian hna khi cheu bang ve sehlaw ti ka duh. Pi Suu Kyi nih cun ramleng pehtlainak a tuahmi le ramchung remdaihnak a kalpi hi a si ko. Cun, cozah zung nih an riantuanmi pawl hna khi cu President kut ah chia sehlaw, President nih cubantuk in ram a hruai ve zong a tha tuk hnga ti ka ruah” tiah a chim.

Dr. Sui Khar nih a chim bang KSDP (Kachin) Party Chairman Dr. Toe Ja zong nih, Pi Suu Kyi nih hin zeirian paoh amah hruainak lawng in a kalpi lo i President U Win Myint zong hi rian a cheuh ve a herhnak kong a chim ve.

Irrawaddy thawngzamhca nih hin tlangcung hruaitu upa minung 9 a hal hna i an pa 9 ning nih an lehmi cu President hlun Pu Htin Kyaw nakin tu President thar U Win Myint nih Kawlram ramkhel boruak le daihnak kong tha deuh in a kalpi khawh deuh lai ti ruahchannak an ngeihnak kong hna an chim.

Ref:Irrawaddy

Na ruahning rak langhter ve.. (Leave a comment)

%d bloggers like this: