Pi Suu Kyi Nih Tikir Khua Teih-ne Sii Zung Le Daw Khin Kyi Foundation Nih Inn 50 Sakpiak Mi Hunnak A Tuah

0

TCP-Thantlang|2020 Febuary 20| Kawlram ruahnak petu Pi Aung San Suu Kyi cu Thantlang khua ah tuah mi kum 72nak Chin Miphun Ni hman pah in Febuary 19 ni ah Lai tlang a phan i Tikir khua ah sak mi Teih-ne sii zung le a nu Daw Khin Kyi Foundation nih ralzam Bawm Miphun hna umnak ding caah bawmhmi inn 50 zong hunnak a tuah chih tiah kan theih.

Sii zung hunnak a tuah lio

Tikir Teih-ne sii zung hunnak cu Aung San Suu Kyi, ramkomh vuanci Myint Htwe, Chief Minister Pu Salai Lian Luai, vuanci Pau Lun Min Thang le khuanu/pa Pu Ram Hei hna nih hunnak an tuah pi. Cun sii zung hmai ah Japan Cherry kung a cin piak hna.

Japan Cherry Kung a cin lio

Mah pinah a nu Daw Khin Kyi Foundation nih Paletwa peng Miza khua in ralzam mi hna Bawm mi hna caah inn 50 a sak piak mi hna zong hunnak le pekchanhnak a tuah chih.

Atu bantuk in Tikir khua ah Na-ta-lah nih inn (25) an rak sak piak bal cang hna. Atu lio Tikir khu ah cozah zung Thingram zohkhnehnak, Meithahnak, Palik sakhan le Ti kongkau zohkhenhnak (Se-miang) zung an um cang.

Aung San Suu Kyi cu Tikir khua in a rak kir than i Thantlang khua mi hna nih sunglawng ngai in an don hnu ah Town Hall ah mizapi he tonbiaruahnak a ngei. Zan ah BEHS No.1 sianginn bualrawn ah Mei phu an cheh (mi-pung-puai)nak an ngei. Febuary 20 ni ah Chin Miphun Ni zong ah biachimnak zong a ngei tiah theih a si. (Ref: DKKfoundation, Myanmar State Counsellor Office)

 

About The Author

Na ruahning rak langhter ve.. (Leave a comment)

%d bloggers like this: