Pi Ui Cer Le Pi Van Bawi Zi Tuanbia Tawi
City Hunter| 2018 June 1| May 31 zan, Hakha innkangh ruang ah a paammi nufa hna Pi Ui Cer (kum 87) le Pi Van Bawi Zi (kum 49) cu June 1, No.1 thlaan ah ruak cung i a hmanung bik caanhmannak le vuinak an ngeih cang hna. Ruak cung i a hmanung bik caanhmaannak ah Pi Ui Cer le Pi Van Bawi Zi tuanbia tawi catlap in an chuahmi zapi rel khawh cio ding in kan in hrawmh hna.
Pi Ui Cer le Pi Van Bawi Zi Tuanbia Tawi
A pa min : Pu Mang Hlun
A nu min : Pi Za Thluai
A va min : Rev. E. Mang Kio Thang
Chuahpi unau : Pi Ui Cer, Pi Ngun Par (tleicia) le Pu Mang Hlei (tleicia) an si.
A fale : 1) Pa Ni Ceu (tleicia), 2) Pi Ngun Ci +Pu Ram Luai (tleicia), 3) Pu Ngun Hram (tleicia), 4) Pi Zing Thai + Pu Cin Puai (Malaysia), 5) Pi Sui Fom (USA), 6) Pu Tum Cung + Sayaci Khai Cin (tleicia), 8) Andrew (tleicia), 9) Pi Van Bawi Zi, 10) Pastor E. Sui Ling Thang + Pi ngun Pum, 11) Pa Thang Ding (tleicia), 12) Pa Thawng Cin Mang (tleicia) an si.
A tule : Tu 26 le Tuchin 26 a hmuh ta manh hna.
Pi Ui Cer cu 1931 ah Hakha Khuathar ah a chuak. 1944 ah Rev. E. Mang Kio Thang he an i um i fanu/pa 12 an hrin hna. A va Pathian dawtnak a theihtertu lawng si lo in Pathian rianthiang tuantu a si khawhnak ding caah thlarau thazaang petu kan Nu a si i a va riantuannak ah zumhtlak te in a dih dongh tiang a bawmtu Pastor nupi tha a rak si. A thih tiang a dih donghnak tiang in tu le fale hna cawmtu, zohkhenhtu le dawtu kan Nu a si. Zion kan Nu thluachuah a kan halpiaktu a si.
Pi Van Bawi Zi cu 2006 in Australia ah a fapa David Thang he khua an sa. Hringtu a nu dam lo ruang ah a nu conghhram ding in a rak tlung i a conghhramh lio ah atu bantuk in ngaihchiatnak kan ton hi a si.
Ngaihchiatnak kan ton ri in a kan hnem i a kan hraamtu TABC le Thantalng khuachung khrihfabu dihlak, CBC, HBC, HTBC le zapi nan cung ah chim cawk lo lunglawmhnak kan ngei. Pathian nih thluachuah in pe ko hna seh tiah Taantaakmi Chungkhar nih caanhmaannak catlap chung ahcun an tial.
May 31 zan Hakha innkanghnak in a paammi (a thimi) cu Pi Ui Cer, Pi Van Bawi Zi le Pi Hliu Ngo (A Han Nu) an si. Anmah pathum hi mei nih a kangh hna i mei an hmih dih hnu le a thaizing khua ceu hnu pi lawng ah an ruak an hmuh in an char hna. Inn pahnih le Dawrkhan inn pakhat a kaang. Hi a kaangmi chung ah dawrkhan 5 aa tel. Inn kangh aa thawknak hi Pi Ui Cer te inn, an coka mei in aa thawk. Mei kangh hram aa thawk caan hi suimilam 1:45am hrawng ah a si tiah kan theih.
About The Author
A phun tah zei dah asi. Chin mi asimaw ti Hal nak