Pope Francis Nih Easter Ni Ah Zeibantuk Biarocah Dah A Chim?
City Hunter| 2018 April 2| Pope Francis nih Easter Ni ahkhan Pope siangpahrang umnak Vatican khuapi ah biarocah (speech) chimnak a ngeih. Minung thong tampi nih an ngaihpiak. Hi lio ah vawleicung hruaitu hna nih Syria i minung tampi an thihnak a simi buainak hi a rannak in daihter ding kong a chim.
Minung zawnruahnak le dawtnak upadi pawl zulh i minung cung dawtnak ngei in bawmhchanh a herhmi bawmhnak pek ding le zei ah rel lo in hnonmi ralzaam riantuantu hna pawl upat pek le zawnruahnak ngeih ding kong forhfialnak bia a chim.
Chak le Thlang Korea ram kong he pehtlai in Korea rilifonghlei i ceihmainak ruang ah a buaimi remdaihnak hmuh ding hi ka thlacamnak a si. Hi kong ah tuanvo ngeitu hna zong fimhringte le dikfelte in biakhiahnak an tuah khawh ding thlaza ka campiak hna.
Khrihfa mi nih biapi ah an chiahmi nichuah laifang hmun Israel le Palestine buainak telh in Yemen ramchung ral zong ah runvenpiaktu ngei lo zatlang mi temhtuarnak fakpi an tong. Hi ruang ah kaphnih ton biaruah ceihmainak le khat le khat i upatnak nih aa khat lomi buainak hi khuhchih cang seh tiah thlaza ka cam.
Sudan ram telh in Ukraine le Venezuela i buainak hna zong an ngol ding kaa ruahchan tiah Pope Francis nihcun biarocah ah a chim.
Pope a sinak kum 5 a tling cangmi Pope Francis cu amah kut chung ah Syria kong he pehtlai in felfaite in a ngiathlai i thatnak a chuahnak ding soiselnak (feedback) a tuahtu pakhat zong a si.
Pope Francis cu 2013 kum lio ah Syria ram cu nitlak ram hna nih an kahmi dohkalhnak hruaitu pakhat zong a si ve tiah Vatican BBC thawnglatu David nih a chim.
Ref: BBC Burmese
About The Author
