Pope Francis Nih Ngeihkhat Thitumh Upadi Thar Khawmhnak Serding A Chim
Salai Bawi Lian Sang| TCP-Kalay| October 24, 2020| Ngeihkhat thitumh mi hna caah nuhrim covo a tluk te in sermi((Civil Union Laws) Upadi thar ser ding in Catholics Pope Francis bia chim mi cu Vatican dirhmun lak ah khuaruahhar thil a si ter dih ko hna.
Rom khua Rome Film Festival Cinema puai tuahnak T.V biachimnak October 22 ah Pope thawngthanh mi in mipi theih a si cang.
“Nu le nu, Pa le pa ai duhmi hna pawl zong hi Pathian fale an si ve thiamthiam ko, inn chungkhar ser ve hi an phu ko,” tiah a ti. Hi kong hi Rome film festival, Italy documentary ‘Francesco’ tlangzarhnak ah a chim. LGBTQ Catholics and advocates pawl nih Pope bia chimmi cu an rak i lawm taktak.
Asinain a rak duhlo tu pawl a lung a rak rawk tu minung tampi an um ve. “Homosexual pawl zong nih chungkhar an dirh ve hi a thiangmi a si. Pathian fa le thiamtham an si ve ko. Hi ruang ah hin mizei hmanh nih nehsawh thlanglamh, zoh beh le an thangchiat hna hlah seh,” tiah a ti. Hi kong hi Pope nih pawngkam zohnak le thilsining, sifaknak, Hmundang pemnak, Thleidannak kong ah hin riantuannak kong ah hmuhmi zat i khatnak lo nak ruang ah mizei hmanh I nehsawh lo ding timi kong a chimnak ah a chim chihmi a si.
Hi kong a chim ah hin minung ting tam taktak cu khuaruahhar in an um. Roman Catholic doctrine ah hin gay relationships hi sual taktak ruah a si. Francis nih a rak thlenmi hna Benedict XVI le John Paul II hna chan lio ah khan cun same-sex marriage hi an pawm bal lo i a thatnak zong an chim bal lo. Ref: News australia news.com.au