Pope Francis North Korea Ra Tlawng Ding In Kim Jong-un Nih A Sawm
City Hunter| 2018 Tho 10| North Korea hruiatu Kim Jong-un nih Pope Francis cu North Korea khualipi Pyongyang ah rak tlawng ding in a sawm tiah South Korea President zung nih October 9 ah an thanh.
North Korea hruaitu i a sawmnak cu Vatican a kal dingmi South Korea President Moon Jae-in nih a va chimh lai tiah President zung chimnak nawlngeitu nih a chim.
A luancia September i Korea ramhnih hruaitu hna ton biaruahnak chung ah Kim Jong-un nih President Moon Jae-in cu Pope Francis he ton biaruahnak ngeih a duhnak kong zong a chimchih.
North Korea le Vatican hi phungningte in pehtlaitu palai (ambassador) an ngei lo tiah Reuters nih thanhca ning in theih a si. Cuti pehtlaitu ram palai an ngeih ruang ah South Korea President Moon Jae-in nih a va chimhpiak hniknak hi a si.
Ref: DVB
About The Author
