US Hlasak Thiam Akon; President Ka Tlin Cun Facebook Dirhtu Mark Hi Vice President Rian Ka Pek Lai
City Hunter| 2018 March 12| American hlasakthiam Akon nih TMZ he tonbiaruahnak (interview) an ngeih lio ah President Donald Trump hi uknak lei hruaizia a thiam lo i tampi a cawnchap rih a hau. Keimah hi President ka tlin cun facebook dirhtu Mark Zuckerberg hi vice president rian ka pek lai tiah soiselnak bia a chim.
TMZ he Interview ahcun kum 44 tluk a simi American hlasakthiam minthang Akon nih 2020 President thimnak ah teinak ka hmuh ahcun keimah he riantuantu ding Vice President thutdan cu facebook a dirhtu Mark Zuckerberg ka pek lai tiah a chim.
“Zeiruang ah ti ahcun thlennak tuahtimh ahcun aa khat lomi hmuhning lei in a zohthiamtu miphun an herh. Atu lio President Donald Trump zong ih thlennak a tuah ko nain thatnak lam a hoih lo. Amah duhmi lawng kha thawng ngai le lungtho ngai in a tuahtuan. Amah duhmi a tuan bantuk khin mizapi ca zong ah riantuan sehlaw President tha taktak a si kho hnga” tiah Akon nih a hmuhning le a ruahning cu a chim.
Akon nih ahmuh ruahning bantuk in Facebook dirhtu Mark Zuckerberg hi Trump nakin bochan tlakmi President a si kho deuh lai ti a ruatmi zong an tampi ve.
Ref: GOSSIPMILL
About The Author
