President Moon Jae-in Nih Donald Trump Hi Noble Peace Laksawng Pek A Phu Tiah A Chim
TCP-Thantlang| 2018 May 2| Donald Trump nih South Korea lutlai he i tonding in timhtuahnak a ngei. America le North Korea Nuclear hriamnam thlah timhnak le i thihphaihnak ngolnak ah American President Donald trump hi Noble Peace laksawng pek a phu tiah South Korea uktu President Moon Jae-in nih April 30 ah a chim.
“Donald Trump hi Noble Peace laksawng pek a phu. Kan duhmi tak cu daihnak hi a si” tiah South Korea upa hna tonbiaruahnak ah Moon Jae-in nih a chim tiah President zung thawngthanh ca nih a tial.
South Korea lutlai Moon Jae-in le North Korea lutlai Kim Jong-un cu April 27 ah an i tong i tuanbia thar an tial ni ah Korea tlangcung Nuclear hriamnam hrawh dih ding zong hnatlaknak an rak ngei.
Donald Trump le North Korea lutlai Kim Jong-un hna cu a rauh hlan ah tonnak an ngei lai. Trump cozah nih a luancia kum ah khan North Korea sin ah Nuclear hriamnam in a rak hrocer bal hna bantuk in Kim Jong-un zong nih ka lehrul ve lai tiah a rak hrocer ve.
Moon Jae-in nih Donald Trump sin ah, “Korea kan ram hnih tonbiaruahnak cu a tlamtlinh lai ka zumh i kaa lawm. A ruang cu America tlangtlaknak thawng in hrocernak le dantatnak tuahtimhmi thawng in a si lai” tiah January thla ah a rak chim bal.
South Korea le North Korea an i ton lunglawmhnak caah tiin Moon Jae-in sin ah South Korea President thing a nupi nih ‘Noble Peace laksawng pek na phu’ tiah a rak ti nain a tubantuk in keimah nakin Donald Trump hi pek a phu deuh tiah a chim hi a si.
Ref: Duwun
About The Author
