President Nih Vuanci Zungthar Chapding Kong Cakuat Mi Rakhine Hluttaw Nih An Hnon
TCP-Thantlang| 2019 June 27| Rakhine ramkulh cozah Hluttaw tonpumhnak ah President nih vuanci zung thar Mi lutchuak le minung thazaang hrampi vuanci zung thar chapding kong ca a kuat mi hna cu June 26 ah ceihmainak an ngei nain Hluttaw nih a lungtlin pi lo caah an hnon tiah kan theih.
Hi biatung ceihnak caah mee thlak a si i a duhlo tu (mee 22) chap a herh ko tiah a lungtling mi (mee 13) an si caah hno a si tiah Pung-na-cun Pyine Hluttaw U Aung Tan Tin nih a chim.
“Ramthen le ramkulh cozah dang hna ah hi vuanci zungthar chap ding President nih ca a kaut cio hna. Ramkulh le ramthen a cozah cio Hluttaw ah hnatlak pinak kan hal. A sinain vuanci zung thar chap ding cu Hluttaw nih an duh lo hi a si. Cucaah Rakhine ram kulh ah cun a um lai lo tinak a si ko” tiah cunglei upa nih a chim.
Hi vuanci zungthar chap ding kongah Sagaing le Yangon ramthen ah cun Hluttaw nih an fehter. President nih ramthen le ramkulh 14 ah hi vuanci zungthar cahpding in ca a kuat dih hna caah Chin ramkulh Hluttaw zong nih chap a herh maw herh lo timi avoi 18nak caanhman tonpumhnak June 27 ni ah an ceih ve i chap dingin biachahnak ngeih a si tiah kan theih. (Ref: The Ladies News, DVB)
