President U Myint Shwe Nih Kawlram Zapi Sin Biachimnak Voi Khat Hmanh A Tuah Rih Lo; President Zung Director U Zaw Htay

TCP-Online| 2018 March 25| Kawlram President chikhat ca chung a tuan cuahmahmi President U Myint Shwe nih Kawlram mizapi hmai/sin ah voi khat hmanh biachimnak (Speech) a tuah rih lo tiah ramkomh President zung in Director U Zaw Htay nih a chim.

U Zaw Htay nih atu bantukin a chimnak a ruang cu nai hrawng i Social Media ah a lar ngaimi, President U Myint Shwe nih mizapi sin biachimnak a ngei timi thawngpang a len caah a si.

U Zaw Htay nih cun “Social Media nih thawngpang dik lo an thanhmi a si. Mah thawngpang diklo a thanhmi hna hi upadi ningin sual/dan kan pek hna lai. President Myint Shwe hrihrim nih atu chikhat ca President rian a tuan chung hin voi khat te hmanh zapi sin biachimnak  a ngei rih lomi a si”.

2008 phunghrampi Dal 3 nak ningin; President nih a rian in aa dinh ahcun, President thim than hlan chung paoh cu President thim lio a pahnihnak mee tambik a hmutu nih dengteo in President rian chikhat chung a tuan chung lai tiah a ti bang President Htin Kyaw nih a rian in a chuah tak ni in President thim lio mee tambik a hmutu pahnihnak U Myint Shwe cu dengteo in President ca chikhat chung a tuan cuahmah lio a si.

Ref: The Daily Mirror

Na ruahning rak langhter ve.. (Leave a comment)

%d bloggers like this: