President U Win Myint Nawlpeknak In Ramkhel Thongtla 8490 Luatdaihnak Pek An Si

0

City Hunter| 2018 April 17| Myanmar kumthar philhlonak caah ramchung thonginn kip in thongtlami 8490 cu Myanmar ram President U Win Myint nawlpeknak in April 17 ah luatdaihnak an pek hna.

President U Win Myint nawlpeknak cathanh ah pohmah 401, pohmah dalthen (1) ning in zulhphung khiahmi um lo, an sualnak in luatdaihnak pek an si tiah aa tial.

Cu bantuk in ramleng mi thongtla 51 zong an sualnak in luatdaihnak pek an si ve. Ramkhat le ramkhat pehtlaihnak le minung cung zawnruah dawtnak kha biapi in chiah in luatdaihnak le Myanmar ramchung in thawlnak dantat an si tiah an langhter chih.

Cu pin ah ramkhel kong sualnak le dantatnak a tongmi hna cu pohmah 401, dalthen (1)nak ning in an tuahmi sualnak vialte ngaihthiam le luatdaihnak pek an si. Zeihmanh rihkhiahpiak um lo, nuhrin covo ruahpiak nakin an sualnak vialte hlawtpiak, hrawhpiak dih an si tiah President zung nih nawl an chuah.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: