President U Win Myint Nih Thongtla Minung 9551 Luatnak A Pek Hna
TCP-Thantlang| 2019 April 17| 2019 Kumthar lawmhnak le zungzal philh lo nak ding hmelchunhnak caah rampi President U Win Myint nih Kawlram chung ah ramdang mi thongtla tel mi minung 9551 luatnak a pek hna tiah Myanmar President Office nih April 17 ni ah cathanh an chuah.
Ramchung mi thonginn chung in luatnak a pekmi hna minung 9535 cu sual temh innak upadi pohmah 401, (1) ning tawlrel theng lo in le zalong tein nawl a pek hna hi a si. Hi chung ah mizei paoh luatnak pek lo in an sualning zoh chih in le thong chung in chuah a tlak ko timi lawng chuah dingin an tawlrel hna. Cu bantuk in miphun dang Kawlram chungah thongtla mi minung 16 luatnak le zalonnak a pek hna tiah Myanmar President Office nih cathanh a chuah mi chungah aa tial.
About The Author
