Pu Chum Ling(Tlangpi) le A Fanu Motor Accident in An Thi

Pu Chum Ling (Tlangpi) Motor Accident/ TCP

TCP-Hakha| 2021 January 30| Hakha um Tlangpi khuami Pu Chum Ling (a kum 55)(Hakha Dawrthar) um cu Tlangpi in a tlunnak ah Hakha Timit cho kai, Pu Ming Hnin thlanlung phan lai (pee 400 tluk aa hlatnak cheng palang) ah Parado Motor (6E-2485) in aa let i a mah he aa cit mi a fanu Van Par Em (kum (13) he January 30, 2021 zanlei 2:30pm tluk ah an nunnak a liam tiah thawng kan theih.

Tlangpi in Hakha rading minung pathum an si nain pakhat cu Thantlang ah a chiah ta tiah kan theih. Pu Chum Ling hi motor a mong tuk lo mi a si i Parado Motor thar aa cawk hi thla thum lawng a si rih tiah aa naihniam mi nih an chim.

Aa letnak kong ah fehter khawhmi a um lo nain anmah he aa naihniammi pakhat nih “ Hakha in motor pakhat a rak tum. Lam remhlio le lamphah lio a si tikah lam zong a bi. Cu motor ka kianh a tinak ah liver fak nawn aa lamh sual I lamthlang a tlak hi a si ko rua” tiah The Chinland Post ah a chim.

Pu Chum Ling le a fanu an ruak cu Hakha siizung ah an check hna i January 31, 2021 ni ah vui an si. Pu Chum Ling (Tlangpi) ngeihmi Chin taungtan Bus cu December 14, 2020 ah Gear lut kho lo in Thantlang phak lai Thanghrin siazuatnak ah accident a tong i minung (2) an thi, minung (9) fak ngai in hliamhma an rak tuar tiah kan theih.

Na ruahning rak langhter ve.. (Leave a comment)

%d bloggers like this: