Pu Henry Van Thio Atupa A Thattu Tu Tiang An Thei Kho Rih Lo

TCP-Online| 2018 August 11| Ramkomh Vice President Pu Henry Van Thio atupa a thattu palek nih an hlat cuahmah i tu ah cun thla 10 a tling cang nain tutiang an thei kho rih lonak kong August 9 ni khan cithlattu palek lei nih an chim.

โ€œAn rak thah ka hin kanmah palek zong nih biatakte in kan rak kawl len. Hnu ah cun CID (Criminal Investigation Department) ah kan ap. CID tu nih tu hi cithlat an tuahmi a si. A thattu tlaih a si cun chungkhar sin zongah thawng kan thanh ko hna lai. Tu hi cu CID zong nih a kawl cuahmah lio a siโ€ tiah Yangon ramthen palek pakhat nih a chim.

Thil sining cu; 2017 October 4 ni chun sml.12 tluk ah Yangon ramthen Thakitah peng sehhmuhzung pawng miang ah pa pakhat a ruak in an rak char. Ruak in an charpi pa an cithlat tikah N. Dagon lei a um mi Ceu Lian Mang (25) a si. Amah hi ramkomh Vice President Pu Henry Van Thio i tupa (chungkhat) neihniam mi zong a si. A ruak an char ah hin Ceu Lian Mang cu a lu ah mi nih vuaknak hliamhma he an hmuh.

Yangon ramthen palek nih pohmah 1104/2017 in ahmuh an tuah i a thattu minung an kawl colh. Tu ah thla 10 a tling cang i tu tiang ah ho nih a thahmi a si ti an hlat kho rih lo ti theih a si.

Ceu Lian Mang a ruak cu 2017 October 7 ni khan Yangon khua ah a ruak zong an rak vui.

Ref; Eleven

Na ruahning rak langhter ve.. (Leave a comment)

%d bloggers like this: