Pu Thawng Za Bin Nih CFB Riantuannak Caah Parado Motor A Hlut

0

City Hunter| 2018 February 8| Auh-Chin Thitsa company a ngeitu Pu Thawng Za Bin nih Chin Funtomnak Bu (CFB) riantuannak caah Parado motor pakhat a hlut hna tiah kan theih.

Hi kong he pehtlai in Kalay-Kabaw CFB general secretary Pu Chan Lian nih, “Auh-Chin Thitsa company a ngeitu Pu Thawng Za Bin nih CFB riantuannak caah license tel lo in ks. sing 108 man hrawng a simi Parado motor pakhat a kan hlut. February 7 zan ah kan kut cung ah a kan ap i thlacamnak zong kan tuah. A cung ah kan i lawm taktak. Hi motor cu amah chungkhar le CFB nih a herhnak kip paoh ah hman khawh ding in CFB sin ah a kan ap” tiah The Chinland Post ah a chim.

Pu Thawng Za Bin hi CFB General Secretary-2 a tuan liomi Rev. Ceu Ling tupa a si. Rev. Ceu Ling hi bawmh a duh nain license ngei lomi a si ca le license tuahnak nawl hi CFB nih a ngeih caah atu bantuk in CFB sin ah a hlutnak hi a si tiah kan theih.

CFB nih atu hlutmi he motor pahnih an ngei cang. Tuan deuh ah Pajero motor pakhat an cawk bal cang. CFB nih motor license tuahciami a ngeih caah CFB motor license in tuahpiakmi hi paruk an si cang. Cu hna cu; Zotung CFB Pajero motor, CBA clinic ngeihmi super custom motor, Khampat Zatlang bu super custom motor, Kyar-inn zatlang bu super custom motor an si. CFB min in motor license paruk an tuahpiak cang hna tiah Pu Chan Lian sin in kan theih. +++

About The Author

Na ruahning rak langhter ve.. (Leave a comment)

%d bloggers like this: