Pu Zo Tum Hmung; Rung Lian Ceu hi Chin Man of The Year Pek Ding A Si
City Hunter | 2018 February 21| Rung Lian Ceu hi Chin Man of the Year pek ding a si tiah Pu Zo Tum Hmung nih a facebook cahmai ah a langhter. Cuti pek awk aa tlaknak a ruang phun 7 in a langhter chih fawn. Cu hna cu;
1. USA in kan khualipi Hakha ah a tlung. Mah lungput hi ka uar.
2. A paih lai paoh ah tha tein kut a tlaih hna. A tei hna tik zongah a tlaih than hna. Hihi )lentecelh (sports lungput cu a si.
3. A titsa hrimhrim zoh aa dawh (2013 kum a paih lio tha tein ka zoh, Indianapolis ah).
4. Paih a thiam; a thawng fawn.
5. A mithmai a panh kho zungzal. A zohtu mizapi tha a damter.
6. Tukum Chin Miphun Ni cu amah thawng in a hlunghlai deuh; mizapi kan i nuam.
7. Paih chung a luh tik paoh ah thla a cam. Teinak a hmuh tik zongah thla a cam. Hi bantuk nun hi zohchunh awk tlak nun cu a si. Boxing thongh thiam minthang taktak Manny Pacquiao a lo.
Pu Zo Tum Hmung hi Ethnic Nationalities for Affairs Centre ah Executive Director a tuan liomi a si. Chin National Front (CNF) ah advisor a si. Chin Man of the Year voihnih a co bal cangmi a si. CYO, North America nih Chin Man of the Year thimnak an tuahnak ah committee lutlai a rak tuanpiak bal hna.
Rung Lian Ceu hi voi 11 aa pai i voi 9 bual a co cangmi a si. Rung Lian Ceu cu Hakha peng, Chuncung khuami Pu Si Hmung le Pi Tum Zing fapa a si. A chuahpi unau pa pathum le nu pahnih an si. Rung Lian Ceu hi 1994 July 3, Chuncung khua ah a chuak. 2006 December 16 kum ah Malaysia a phan. 2007 September 13 ah USA a phan. Atu hi Taxes, Amarillo college pakhat ah Automotive Technology (Auto-Technician Engineering) a kumthumnak a kai liopi a si. A tungkhaan hi pe 5 le letmah 8 a si i pound 202 a rit.
Photo: The Chinland Post
About The Author
