Pwintpyu ah PDF pawl nih an zulhmi mawṭaw kah a tong, PDF 12 an nunnak a liam, 3 tlaih an tong

0

The Chinland Post | 2022 June 22 – Magway ramṭhen, Pwintphyu peng, Pathein-Monywa lamcung, Maezali hlei ah PDF pawl nih an zulhmi mawṭaw pakhat cu kah a tong i PDF 12 an nunnak a liam i 3 a nung in tlaih an tong tiah palik thawngzamh sin in theih a si.

June 22 zinglei ah PDF pawl nih an zulhmi mawṭaw cu SAC ralkap bawi Min Paing Soe hruaimi phu nih zohfelnak an ngeih lioah kahdohnak a chuak i mawṭaw a puah caah mawṭaw cungah a ummi PDF 12 an nunnak a liam, 3 a nung in tlaih an tong nain 2 cu an nunnak tiang a dihter khomi hliamhma an tuar caah thinphang an si. Pwintpyo peng palik bawi Win U nih zohfelnak a rak ngeih hna tiah theih a si.

Mawṭaw cungah meithal zuun 25 aa tel i 19 a rawk, zuun 6 cu ṭha tein a tang, 40 MM bom kuan zong a rawk dih i ralkap le palik nih ruak le hriam pawl an fim hnu ah Maezali hlei cu security an rengh tiah theih a si.

About The Author

Na ruahning rak langhter ve.. (Leave a comment)

%d bloggers like this: