Quarter Final A Zuamcawh Dingmi Phu 8 Le An Chuih Nicaan; Harry Kane Nih Goal 6 A Sut Cang
City Hunter| 2018 July 4| July 3 zan ah 1-0 in Sweden nih Switzerland an tei hna. July 4 deilei ah 1-1 in England le Colombia an i tluk in penalty in England nih an tei hna. Round of 16_ sunghtlak chuih aa lim tiang ah tukum World Cup ah England in Harry Kane cu goal 6 in tambik suttu a hung si rih. Quarter final an chuih nicaan le aa zuamcawh dingmi phu 8 le round of 16 a dih tiang ah a phu le pumpak in goal an ngeihzat hna cu a tanglei bantuk in an si.
Sweden 1-0 in Switzerland cu 90 minute chung ah an tei hna. England nih minute 57 ah penalty an ngah i Harry Kane nih a sut i a goal. Minute 90 hnu ah Colombia in Yerry Mina nih a goal ve caah 1-1 in an i tluk. Cu ruang ah extra-time minute 20 an chuih than i an i goal khawh lo caah penalty an chuih.
Penalty Result
England 4-3 Colombia (penalty result)
England hi 2010 kum round of 16 chuih ah Germany nih an thlak hna. 2014 kum ah group chuih in an tla colh. 1996 kum World Cup final ah 4-2 in Germany an rak tei hna i champion an rak co.
Quarter final Ah Aa Zuamcawhdingmi Phu 8
1. July 6 zan suimilam 8:30 ah Uruguay le France (Group A)
2. July 7 deilei suimilam 12:30 ah Brazil le Belgium (Group B)
3. July 7 zan suimilam 8:30 ah Sweden le England (Group C)
4. July 8 deilei suimilam 12:30 ah Russia le Croatia (Group D)
Quarter final group A in teinak hmutu phu le group B in teinak hmutu phu kha semi final an chuih te lai. Cu bantuk in Group C in teinak hmutu phu le group D in teinak hmutu phu kha semi final an chuih ve te lai. Semi final ah a sungmi phu hnih kha pathumnak an i cuh lai i semi final ah teinak hmutu phu hnih kha final an chuih te lai.
Round of 16 Result
1. France 4-3 Argentina
2. Uruguay 2-1 Portugal
3. Russia 1- 1 Spain (Penalty 4-3 )
4. Croatia 1-1 Denmark (Penalty 3-2)
5. Brazil 2-0 Mexico
6. Belgium 3-2 Japan
7. Sweden 1-0 Switzerland
8. England 1-1 Colombia
Round of 16 a dih tiang ah goal an ngei zat cio
Belgium: goal 12 (Belgium in goal tambik suttu cu Romelu Lukaku – goal 4)
England: goal 9 (England in goal tambik suttu cu Harry Kane – goal 6)
Russia: goal 9 (Russia in goal tambik suttu cu Denis Cheryshev – goal 3)
Croatia: goal 8 (Croatia in goal tambik suttu cu Luka Modric -goal 2)
Uruguay: goal 7 (Uruguay in goal tambik suttu cu Edinson Cavani – goal 3)
France: goal 7 (France in Griezmann le Kylian Mbappe hi goal 2 veve)
Brazil: goal 7 (Brazil in Neymar le Philippe Coutinho hi goal 2 veve)
Sweden: goal 6 (Sweden in Andreas Granqvist hi goal 2)
Goal tambik suttu nih tukum World Cup Sui Kedan a cote lai. Atu tiang ahcun England in Harry le Belgium in Lukaku hi sui kedan co khotu ding ah zumh bikmi an si.
About The Author
