RAI le RAL: Ṭahnak Hla
RAI le RAL: Ṭahnak Hla
Dothlennak a dih hlan, kan ṭap lai lo, tiah biartung kan lek.
Ṭap lo kho kan si maw? Rai le Ral.
Cu lakah kan rilcat peh tihna,
furpi ah a cah ruangmang ko cu!
Rili ral a phan, miphun hawi hna,
Hitin maw nan kan zoh sawh ko lai?
Dothlennak ah nun aa thap mi hna, rawlṭam tihal in an um.
Riah hmun an vai. Rian a um lo.
Ralhraang an ra, leiba an cawh hna, an ṭhihphaih hna.
Tlaih le hrem a tong mi za zat. June thla ah ti a reu.
Ṭhal tikang bang an hngah tawn,
Kan donh caan zeitik a phak ve lai tiin.
Dor khat tal a um ti lo maw,
Kannih chung a pelte hmanh kan ngeih ti ṭung lo.
Covid a karh, bochan mi an thi. Ruak humh hmanh a ngah lo.
Mithli he chungkhar ah, mithmai a chia.
Rai le Ral, kan tong ve sual lai!
Nihlawh rian a dong, zuarthlai a cat,
Kawlhawl a pit, bawmtu an zor.
Ruahchannak a der, khuaruah a ping, van a sang!
Hakha le Kawlram cu khuaci a mui.
Mithmuh ral he, mithmuh lo ral he, an kan kulh.
Chun ah kan thin a phang i zan ah kan ning a ṭi.
Lawmhnak nih refugee a kan sok tak.
Kan puai le laam hna cu an um lonak chan thong khat a si cang.
Zalam a king, mi an ṭhing.
Khuapi cu king demduam in locul bang vehtu a ngei lo.
Innpa le hawikom hmanh kan i hmuhton khawh lonak zei can remruam.
Kan lung a leng, kan ngaih a chia.
Ruah zawn ah, zei tik nihkheh caan um ṭhan te hnga maw?
Ramdang a phan hawi dawt hna, nannih nan dam ko lo maw?
Zalong tein nan um ko lo maw? Rian nan ṭuan kho ko lo maw?
Rai le Ral lakah Lairam, tihna a reu cuahmah mi Lairam,
Dothlennak miralṭha hna, nan mitthlam in kan cuan ve ulaw,
Nan sia a herh ve ṭheo lai, ka ti.