Rakhine in Magwe Ramthen lei Thialkam a duhmi Chin Unau Harnak An Tong

Rakhine Chin IDP/7Days

The Chinland Post 2020 January 20| Arakan Army (AA) le Kawl Ralkap raldohnak ruangah Rakhine ramkulh a ummi Chin unau hna cu hmahpuntin (ID) le Khuabawi nih theihpinak (thohkhansa) a tialpiak duh hna lo caah thialkamnak kongah lungretheihnak le harnak an tong tiah theih a si.

Rakhine ram Aan peng I a ummi an si I Magwe ah aa rak thial cangmi hi minung 200 tluk an si cang. A tu minung 600 fai thialkam dingin aa timhmi cu harnak an tong. Chungkhar cazin (inntaungsuh), hmahpuntin ti bantuk an ngeih lo ruangah motor bus in khualtlawn an ngah lo. Hi ka lei in motor hlan piak in don dah tilo cun a fawi lo. A rak phan cangmi minung 200 hi Magwe ramthen Ngaphe peng biakinn le mi inn ah hmunhma kan chiahpiak rih hna. Khua fonh lo in khua dang tien um kan duh ti zong an ti tiah Salao Yeo Mg nih a chim. A tutiang Cozah lei nih theihpinak zong a um rihlo tiah theih a si. Rf: 7 Day

 

Na ruahning rak langhter ve.. (Leave a comment)

%d bloggers like this: