Rakhine le Paletwa Internet phihmi duhlonak a langhtertu Maung Saungkha Dantat A Huah
Salai Bawi Lian Sang |TCP-Kalay| 2020 September 7 — Kawl Ralkap le AA kahdohnak ruang ah Ramkomh Kawlram cozah nih Rakhine khuapi 8 le Chin ramkulh in Paletwa peng internet phihmi ruang ah duhlonak a langhtertu Athan Bu in hruaitu Maung Saungkha cu cozah nih tazacuai a ton i dantat a huah.
Rakhine le Paletwa i internet onpiakthan ding in a cawlcangmi Athan Bu Director Maung Saungkha cu Yangon pengthen in Kyauttada peng biaceih zung nih cozah zulh phung lonh in a duhnak a langhternak he pehtlai in, Kyat 30,000 dan an tat.
2020 June 21 ni thok in Rakhine ramthen peng (8) le Chin ramkulh in Paletwa peng internet an phihnak kum khat a tling cang.
Hi a cozah nih Internet phihmi kum khat a tlin ni ah Yangon khualipi in Sule lamcung hlei ah “Ralruang ah nuhrin covo a buarmi, mithat lainawnnak mipi theih lai phan ah internet phit a si ko lo maw! Rakhine le Chin ram ah Internet line phit a herh lo” timi tlangtar ca (poster) an tar ruangah sual a tuah an ti hi a si.
Yangon in Kyauttada peng Palik nih Athan Bu in Director Maung Saungkha cu ‘Ngeinsuh Upadi (Mibu tonpumhnak phung)’ pohmah 19 in Kyauttada peng biaceihzung nih 2020 Septemper 4 ni ah Kyat 30,000 dantat ding in bia chahnak an tuah hi a si.#
News – Athan Bu, Photo – MPA
