Rakhine Ram, Paukdaw Khua Cu AA Nih A Tlaih Dih Cang
The Chinland Post | 2024 January 25 — Rakhine ram, Paukdaw khua cu AA nih a zapi in an tlaih dih cang tiah unau hawikom phu 3 nih January 24 zaanlei ah thawng an thanh.
Unau hawikom phu 3 chungtel a si mi AA nih Paukdaw khua cu a zapi in an tlaih cang, cun Mrauk U, Minbya, Kyaukdaw le Rathedaung peng um ralkap pawl le AA karlak ah kahdohnak a fak rih, ralkap Brigade Headquarters le ṭha tein hram an bunhnak sakhaan pawl zong pakhat hnu pakhat in lak khawh an i zuam tiah unau hawikom phu 3 nih an thanh.
Rakhine ram kahdohnak ah ralkap lei a thi mi an tam tuk caah ralkap chung rianṭuantu pawl, palek le India lei a zaam mi ralkap pawl cu ralram ah an thlah hna tiah theih a si.
Rakhine ram ah zoh chia in kahdohnak a sung mi ralkap nih mipi lei mer in hramhram in a doh hna caah mipi a thi mi an karh tuk tiah unau hawikom phu 3 nih an thanh.
