Rakhine Ramchung Mipi Thahnawnnak Kong Amnesty International (AI) Bu Thawngthanhnak

Salai Bawi Lian Sang| TCP-Kalay| October 14, 2020| Rakhine ram ah Kawl ralkap le AA hriamtlai kharlak dohnak a linsa chin ruang ah ramchung um mipi umnak inn le lo hrawhnak le tlaihkhih le thahnak a thar a chuah chin lengmang mi kong cu Amnesty International (AI) bu nih October 12 ni nikhat ni ah thawngthanhnak a tuah.

Mah bu nih cun Kawlram ralkap nih nuhrin covo buar in an tuahsenak vialte cu UN security council ah Kawlram kong hi a rangnak in a dantat a herh tiah (AI) bu nih a chim.

A tu lio Kawl ralkap le AA hriamtlai karlak ah raldohnak daih lei panh lo in ramchung mipi harnak a zuar chin. Cucaah UN Security Council nih Kawlram kong cu International court of Criminal (ICC) sin report tuah ding in (AI) Director Ming Yu Hah nih a chim.

(AI) nih hi bantuk vawlei cung nuhrin covo dohhlatnak cathanhnak a chuah hi vawlei cung Upadi ning in a dohhlat hnu tialmi a si caah a abiapi tuk mi a si tiah Kawlram ramkhellei dohhlat tu Dr. Tin Maung Tan nih VOA ah a chim ve.

October 12 ni (AI) thawngthanhnak September 18 ni ah Paletwa peng um Chin miphun nu kum(44) Ruatuai kawl a kal mi cu vawlei tang phun mi bom ruang ah a nun nak a liam nak kong an chim chih. Mah minu bom lamhnak hmun hi ralkap battalion 289 umnak pawngkam ah a si tiah an langhter. Ref: VOA News