Rakhine Ramkulh Ta-yiat-pin Khuabawi Tel In Minung 15 Kawlralkap Nih an Tlaih Hna

Salai Elvis| 2019 January 15| Rakhine ramkulh Bo-ti-taung peng Ta-yiat-pin khuabawi tel in khuami minung 15 cu Kawl ralkap nih January 13 ah an tlaih hna tiah kan theih.

Khuami minung 15 cu nawlngeitu ralkap nawlpeknak in an tlaihmi hna a si i Bo-ti-taung khua No.3 palek sinah an hren chung hna. Khuami hna cu zeiruang ah dah an tlaih hna timi kan hngal kho rih lo” tiah Bo-ti-taung ramkulh Hluttaw palai U Tun Aung Thein nih a chim.

Bo-ti-taung peng Ta-yiat-pin khuabawi U Maung Than Hlaing le Maung Kyaw Win, Pin-chaung khuate in minung 7, Kyauttaw peng A-poh-wa khuate in 2, Nay-pu-khan khuate in 1 le aa choklet sawhsawh mi minung 3, an zapi 15 an tlaih an si. Hi an tlaih mi hna cu ralzam caah bawmh mi thilri hna cu phungki sianginn lei an thiar lio ah tlaihmi zong an um i vokkuanglawng in facang cawk an rak tlun pah ah an tlaihmi hna zong an um.

“Tlaih a tongmi 15 cu vehvat dingin tuanvo ngeitu hna kan kal tikah No.3 palek sin ah nawl kan hal hna nain an kan sianh lo” tiah a cunglei Hluttaw palai nih a chim.

Rakhine ramchung AA le palek i kahdohnak ruangah Bo-ti-taung le Ya-teh-taung ralkap nih khuami an tlaihmi minung 18 an si cang tiah khuami hna nih an chim.
Ref: RFA

Na ruahning rak langhter ve.. (Leave a comment)

%d bloggers like this: