Rakhine Ramkulh Thimfung Thla Kho Tu Milu Sing 16 Ah Sing 4 Nih Thimfung An Thla Kho Lai

Salai Bawi Lian Sang| TCP-Kalay| October 19, 2020| Rakhine ramkulh peng cheuhnih cehukhat ah thimfung thlaknak a um kho lai lo ruangah thimfung thlakho tu milu sing 16 ah milu sing 4 hlei nih thimfung an thla kho lai tiah theih a si.

Rakhine ramkulh ah thimfung thla kho ding milu (1,649,753) an um I nihin tiang thimfung thla kho tu milu cazin( 44,8852) lawng an tar langh tiah ramkulh election commission chungtuan U Tu Raine nih7 Day news an chim.

Rampi election commission zung nih October 16, 2020 thawngthanhnak ah Rakhine ramkulh peng(9) ah thimnak an tuah kho lai lo tiah a chim. Mah peng(9) ah Pyine hluttaw Me sandah ne( 18) le Amyotha hluttaw hmun(7) ah thimnak an tuah kho lai lo. Cun thinfung tuah kho lo ding Pyine hluttaw hmun(3) an chap than caah Pyine hluttaw hmun (21) ah thimfung an thla kho lai lo ti nak a si. Cucaah Rakhine ramkulh chung hmuncheu thluk thimfung thlak kho lo hi a thatlonak lam a panh caah Rakhine ram caah thinphan dai lo a si ko tiah tulio Rakhine ram hluttaw Speaker U San HLah Kyaw nih a chim.

2015 kum Democracy thimnak ah Rakhine ramkulh chung Ralkap hluttaw telh in Hluttaw MP (47) an rak um. Nihin 2020 thimnak ah hluttaw MP (20) lawng thima si lai tiah San Hlah Kyaw nih a chim chap.

Rakhine ram ah Kawlralkap le AA hrimtlai kharlak dohnak a linsa chin ruang ah ramchung um mipi umnak inn le lo hrawhnak le tlaihkhih le thahnak a thar a chuah chin lengmang mi kong cu Amnesty International (AI) bu nih October 12 ni nikhat ni ah thawng thanh nak a tuah.

Mah bu nih cun Kawlram ralkap nih nuhrim covo buar in an tuahsenak vialte cu UN security council ah Kawlram kong hi a rangnak in a zizut a herh tiah (AI) bu nih a chim.

A tu lio Kawlralkap le AA hriamtlai karlak ah raldohnak deih lei panh lo in ramchung mipi harnak a zuar chin. Cucaah UN Security Council nih Kawlram kong cu International court of Criminal (ICC) sin report tuah ding in (AI) Director Ming Yu Hah nih a chim.

Ref: 7 Day News Journal/ DVB Burmese news