Ral Chung I Aa Thenmi Innchungkhar Pawl I Hmuhtonthannak Ding Korea Ramhnih Hnatlaknak An Ngei Cang

0

City Hunter| 2018 June 23| 1950-53 kum Korea ral chung ah aa thenmi innchungkhar pawl i hmuhtonthannak serpiak ding in South Korea le North Korea ramhnih hnatlakna an ngei cang.

Korea ralpi ruang i aa thenmi innchungkhar pawl kumthum chung ah a hmasa bik i hmuhtonthannak serpiak ding in South Korea le North Korea palai pawl June 22 ah hnatlaknak an ngei.

Kum 10 renglo aa then cangmi innchungkhar pawl cu an kumkhua zong a upa cang, an tar cang i North le South ramhnih pehtlaihnak a that lawng ah an i tong kho i anmah kong hi lungthin fahnak a pe khotu ding a si.

North Korea palai hruaitu a si bantuk in daite in i rem, i fonh thannak kongkau North Korea committee Vice Chairman nih North Korea le South Korea in aa thenmi innchungkhar i hmuhtonthannak puai cu August 15, Miphun Luatnak Ni (The National Liberation Day of Korea), Gwangbokjeol tlang ah an tuah lai.

Aa then cangmi i hmuhtonnak puai cu August 20 in thawk a si lai i ni 7 chung tuah a si lai. Ramkhat lei innchungkhar chungtel 100 cio an si lai. Tlunkal aa harhmi hna caah innchungkhar in pakhat cio zulhnak nawl pek a si lai” tiah a chim.

“South le North Korea ram in aa then cangmi innchunngkhar pawl i hmuhtonnak telh in a dang mihrin zaangfahnak le zawnruahnak kongkau pawl ceihmai ding hnatlaknak kan ngeih tikah rian a dotdot ceihmainak kan tuahthan te lai” tiah South Korea palai phu in an hruaitu pa nih a chim.

Aa then cangmi innchungkhar pawl i hmuhtonnak hi South Korea President Moon Jae-in le North Korea hruaitu Kim Jong-un nih hnatlaknak biahren an ngeihmi chung ah aa telmi pakhat a si.
Ref: DVB

About The Author

Na ruahning rak langhter ve.. (Leave a comment)

%d bloggers like this: