Ralkap Bawi Nupi Nih NLD Secretary Rian A Tlaih Caah Mizapi An Khuaruahhar

0

TCP-Online| 2018 July 3|  Ralkap bawi a tuan cuahmahmi a nupi cu Myanmar khualipi Naypyidaw ah tuahmi NLD ramchung dihlak Nubu pawl conference an tuahnak ah Sagaing peng NLD Party chungtuan (Secretary) ah an thim, mah ti thim a si caah mizapi pawl an khuaruah a har ngai.

NLD Nubu committee lutlai Dr. May Win Myint nih, “Sagaing ramthen ah thimmi a si. Anmah Sagaing lei in an rak chuahpimi a si tikah kanmah lei nih zeihmanh tuah khawhnak nawl kan ngei lo. Kan khuaruah zong a har ngai ve ko” tiah a chim.

Tubantuk in ralkap bawi nupi pakhat nih NLD chungtuan rian an tlaih tikah khuaruahhar in biahalnak pawl zeihmanh leh khawh a si lonak kong le mah kong hi cu mah peng le committee nih tawlrel a herhnak kong zong conference a dongh biakharnak ah a chimchih.

“Sagaing peng nih thimmi a si. Kanmah Center lei nih zeibia hmanh kan let kho lai lo. Biahal a duhmi nih anmah Sagaing peng i NLD committee kha hei hal ding a si ko. Anmah nih an rak chuahpi i an thimmi pei a si ko cu” tiah Dr. May Win Myint nih cun a chim.

Sagaing ramthen Pyithu hluutaw palai U Khin Maung Thein nih cun, “ralkap bawi tuan lio nupi Myat Thirih hi anmah le an peng committee nih cun khualipi Naypyidaw i tuahmi NLD Nubu conference ah an thlah. Nain, Sagaing ramthen NLD Party nih an rak duh lo. Center Committee lei in chungtuan U Ngain Win nih kai ding a sianh caah a rak kaimi zong a si” tiah a chim.

Tutan khualipi Naypyidaw ah tuahmi ramchung NLD Nubu conference cu June 30-July 2 tiang an tuah i mah hihi avoi khatnak an tuah a si. Committee member zong minung 6 tel in an dirh cang.
Ref; Irrawaddy

About The Author

Na ruahning rak langhter ve.. (Leave a comment)

%d bloggers like this: