Ralkap Nih Asho Chin Khua Te Ah Buddhist Milem 51 Le Ei Ding Mi An Hlut

Ralkap nih Hlutmi Pura/People Media

Salai Bawi Lian Sang|TCP-Kalay| September 8,2020| Magwe ramthen Asan(Upper)Minhla peng Panisung khua  Asho chin miphun umnak khua ah Buddhist milem hna cu ralkap Kahpahsah(10) L.t Colonel Shwe Mya tawlrelnak in ralkap pawl nih September 6 ah  Ei ding pawl he an rak hlut hna.

Innchungkhar khat ah milem pakhat, Facang pihnih, Chiti cuaitam, Kalape pi khat le a dang ei ding  tete le milem 51 an hlut hna tiah People Media in  Tet Naung( Minhla) nih September 6, 2020 ah a tial.

Minhla peng milu ah 122,519 an um. Kawl miphun113,409, Chin miphun 9102 le miphun dang hna an um. Minhla peng ah Buddhist milu 119,663 le Khrihfa 94,Islam 287, Hindu 35 le biaknak dang hna an um. Buddhist Phungkicawng 179, Bahkhah sianginn 3 ah saya 4 le sianghngakchia  63 an si.Islam biakinn 1 a um. Peng chung ah Chin miphun 9102  an um i Khrihfa biaknak ah 94 an um caah Chin mi 9008 nih biaknak dang ah an biak.

Magwe ramthen chung peng 25 ah milu dihlak 3,878,390 ah Kawl miphun milu 3,822,384, Chin miphun milu 139583, le miphun dang an si. Khrihfa cu 23,614 an si, si kaw Chin miphun chung in milu 115,969 cu biaknak dang an bia tinak a si. Phungki cawng 3824, Bahkah cawng 85 le Saya te 642, siangngakchia 12,205 an um. Magwe ram ah Buddhist milu zatuak 98.8%, Khrihfa 0.7 %, Islam 0.3%, Hindu 0.1% le biaknak dangdang an um tiah 2017 kum Magwe GAD cazin nih a langhter.

Na ruahning rak langhter ve.. (Leave a comment)

%d bloggers like this: