Ralkap Nih Tedim Khuami Hna Sin Vawlei Chuhmi An Pek Than Dih Hna Lai

TCP| 2018 August 23| Tedim khua Sa-kaw sang um mi Kawl ralkap (269) le ralkap pawl hna nih khuami vawlei ekah (40) an rak chuhmi cu vawlei ngeitu sinah an pek than dih hna lai tiah Tedim peng vawlei chuhnak kongkau tawlreltu hna sin in kan theih.

Vawlei chuh a tongmi hna nih kanmah hmun a si ko timi tet-te felfai mi le ca pawl i ken in August 18 in 24 chung ah tuanvo ngeitu hna sin theihternak nan rak tuah dih lai tiah Tedim peng vawlei chuhnak kongkau a tawlrel tu hna nih August 18 ni ah thawngthanhnak an tuah. A sinain kan hmun a si timi tet-te felfai piah khawh lo ahcun vawlei pek an si hlei lai lo’ tiah an ca thanh mi ah aa tel.

“Vawlei tawlreltu (me-sa-zin) zung nih chuahpiakmi hmunhma muisam le a hmun a si ko timi ca a um ahcun a za ko. Hmunhma pek thannak kong tu ah cun pengkomh le ramkulh tiang a changchang in theihter hmasa an hau i ramkulh cozah nawl pek hnu lawngah tawlrel te ding a si” tiah Tedim peng vawlei chuhnak kongkau tawlreltu Chairman Pu Ku Suan Khai nih a chim.

Hi vawlei pawl cu Kawl ralkap hmunhma khuarnak ding caah 1996 kum khan an rak chuhmi hna a si.

Ref:Khonuamthung