Ralkap pawl an zaam tik ah na bawmh hna tiah Matupi khua nu an thah
The Chinland Post | 2023 January 4 – Chin ramkulh, Matupi peng ah riankhinh mi SAC ralkap pawl an zaam khawh nak hnga na bawmh hna tiah nu pakhat an thah tiah theih a si.
Matupi peng, Vankai khua nu Mai De Zin (kum 25) cu kan thah cang tiah January 3 ah a chungkhar sin ah SAC nih lei nih an rak thanh hna tiah chungkhar he aa naihniam mi nih an chim.
2022 April 21 zaanlei ah Matupi khua sipuazi bank ah riankhinh mi SAC ralkap 2 hriamtling he an rak zaam.
Cu hnu ah Mai De Zin telh in mipi 2 le khuami CDMers 2 tiah an zapi te 5 cu April 23 ah an tlaih hna i Matupi hrambunh SAC Infantry 140 ah bia an rak hal hna.
Mai De Zin leng ah adang mipi pakhat zong an thah ve tiah thawngpang a leng ve.
About The Author
