Ralruangah Paletwa Peng Minung 1,000 Leng Sami Khua Ah Zam Dingin An I Timtuah; Eidin Kongah Tawlrel Tu An Lungre Thei

Salai Elvis|2020 March 16| Kawl ralkap le AA hriamtlai tukdohnak a fah chin lengmah caah Chin ramkulh Paletwa pengin minung 1,000 reng lo Sami khu ah rak zam dingin timhtuahnak an ngei tiah tuanvo ngeitu siin kan theih.

“Khua mi hna nih an chim ningah tuzing (March 16) ah Kawl ralkap le uknak lei nih Miza khua (No.1-2-3), Uat-ma, Pyan-tin, Sa-wa le Ko-wa, Alin-wa, Pin-wa khua hna cu a him lo caah nan khua pi ningin caan karlak zam u tiah an chimh hna. Cutikah phu khat hna cu Sami khua an phan cang. Anzapi minung 1,000 reng lo a ra kho mi an si caah tiin an umnak ding caah aa-lah-kah sianginn ah um ter hna dingin kan tawlrel piak chung hna. Facang le Chiti zong cawk awk a um lo caah zei ti hmanh in khoka dah kan damh khan lai timi kan ruat kho bak lo.”tiah Sami khua People of Community Development phu Director Zaw Li Aung nih The Chinland Post ah a chim.

“Minung 1,000 reng lo an rat tak ah cun an mah Eidin ding kong Paletwa lei ah cawk awk a um ti lo, Sami zong ah a har cang. Matupi lei tiah le aa hlat ngai fawn tikah zeitin dah kan tawlrel lai timi kan lungre a theih cem mi a si ko.”tiah a chimchap.

Atu lio a cang cuahmah mi Kawl ralkap le AA hriamtlai tukdohnak ruangah sualnak ngei lo Chin mi minung 21 an thi i minung 28 hliamhma an pu tiah kan theih.