Ralzaam Minung 8000 Leng Kuat Dingin Bangladesh Nih Kawlram Cozah Sin Cazin A Pek Cang
TCP-Online| 2018 February 17| Rakhine ramkulh in Bangladesh ram ah a zaam mi Rohinya minung 8000 leng min cazin cu Kawlram ah kuat than dingin Bangladesh cozah nih Kawlram cozah sin a pek cang hna.
Bangladesh Pyithezi vuanci Asaduzzaman Khan nih Kawlram pyithezi vuanci Kyaw Shwe cu February 16 ni khan Kawlram ah kuat than dingmi Rohinya ralzaam min cazin a pek hi a si.
Tutan minung thong 8 leng cazin hi chungkhar 1673 tluk an si. Kawlram in Bangladesh ram ah a zaam mi Rohinya ralzaam minung sing 7 leng an um i, ralzaam dihlak hna cu Kawlram ah kuat than dingin ramhnih hnatlaknak zong an ngei cang ti theih a si.
Ref;VOA
About The Author
