Ram Caah Nunnak A Pemi Maj. Salai That Ci A Unaurual Nih Lung An Phunpiak Lai

0

Salai Elvis| 2018 April 24| CNA (Chin National Army) chungah a rak ummi Chinram caah a lu a rak i pemi Maj. Salai That Ci (LLB, Gangon) cu amah philhlonak caah a unau rual nih a chuahnak Hriangkhan khua ah April 26-27 tiang lung an phunpiak lai tiah thawng kan theih.

Amah philh lonak le chungkhar u le nau vialte kan thinlung chungah a caam i khoika dah a thih ti hmanh kan hngal lo. Asinain kan lung diriamhnak ca ding ah a tubantuk in lungphunpiak kan timh hi a si” tiah a upa pakhat nih a chim.

Photo: Pu Chan Lian fb

“Hi hmun le caan ah a riantuanti hawi CNA/F lei zong an dihlak in sawm an si nain minung 10 tluk nih cun an kan telpi lai kan zumh. Cun khuami ramchung um Hriangkhan ciruang vialte le khua chingchan zong kan sawm dih hna. Khual hi zeitluk dah an tlun khawh lai a fiang rih lo. April 26 hi lungdonh a si lai i 27 ni khi mino hna amah philhlonak ah pumpululh chuihnak le lentecelhnak in caan hman a si than lai. Mah ni ah Vok 4, Sia 2 le Na 1 thah kan timh. Alung kan donhpiak dingmi cu pahnih a si lai i ka nu caah pakhat a si chih ve lai” tiah Maj. Salai That Ci a upa Sayagyi Chan Er Kam nih TCP ah chim.

Photo: Pu Chan Lian fb

Maj. Salai That Ci cu Pu Tial Kam le Pi Far Hniang i an fapa a si. 1958 December 20 ah a chuak i 1989 March 20 ah CNA ah a lut i 1998 kum ah a thi. A chuahpi unau pa 3 le nu 1 an si.

About The Author

Na ruahning rak langhter ve.. (Leave a comment)

%d bloggers like this: