Ram Humhimnak Caah Manipur Hriamthlai Thlahdorh Zohsawh Lo Ding In State Counselor Nih A Chim

Kalay-TCP| January 24, 2020| Tamu pengkomh ah mipi humhimnak kong ah Manipur (kate) hriamtlai nih peng chung khuasa mipi thinphang in an umnak kong ah thlahdorh zohsawh lo ding in State Counselor nih Tamu mipi he tonnak ah a chim.

State Counselor Daw Aung San Suh Kyi nih “ Mipi humhimnak kong ah mipi thinphang in a tuah tu hriamtlai poah thlahdorh zohsawh lo ding le Kan ram ah Mipi humhinnak peknak lei ah kan tha a der  ko” tiah a chim.  “Kan ram thanchonak lei ah a khurnuarning, palek rian pek nak ah cozah tangka budget zoh a hau rih. Ramchung mipi fimthiamnak lei ah thancho ter ding ah rian kan tuan kho rih lo mi zong aa tel  rih” tiah a chim chap.

Sagiang ram then India ram ri Tamu peng ah Kate hriamthlai phu nih Tamu peng Hluttaw pakhat inn ah Bom an rak thlak bal. Cun Tonzang peng Siangniamrun Sayamah Lia Deih Lun Mang zong Kate hriamtlai nih a luan cia Novemver (17) zan 9:30PM hrawng ah an rak thah tiah thawng theih a  si.

India ram in phungning lo in a rak lut mi Manipur hriamtlai phu ruang ah Bom puak nak, thahnak, hrocelnak ca peknak phunphun an um lengmang ruang ah ramchung mipi humhinnak caah thinphang in um peng a si ko tiah thawng theih a si. Naga mah tein uknak nawl ngei khua, Nan Yone  peng he mipi tonnak bia ruahnak zong ah hluttaw palai hna nih direct chim lo in Mipi lei kap nih an lung um bia hna cu mah ton pumh biaruahnak  hi kan tuah mi a si tiah an chim.

Daw Aung San Suh Kyi khualtlawngnak he pehtlai in a tlawngmi khua hna cu, January 21 ah Naypidaw in Khamti, Nanyone,  zan ah Hunmalin khua ah zan a riak, January 22 Bamouk khua in Lahe khua,January 22 ah Honmalin peng in Kalaymyo ah zanlei 3:30 PM ah Kalaymyo a rak phan I Mipi nih hlunhlai tak in an don.Kalay ah zankhat a riak i January 23 zing ah Tamu peng ah a tlawng. Chun ah Kalaymyo a rak phan than i January 23 zanlei ah Naypyidaw lei aa thawnh than tiah thawng kan theih. +++ Ref: Chin World

 

Na ruahning rak langhter ve.. (Leave a comment)

%d bloggers like this: