Ramchung Ral A Hran Chinnak A Ruang TNLA Nih Cathanh An Chuah

TCP-Hakha| 2019 January 16| NLD hruaimi cozah nih ramkhel a kalpining a thader ruang le Myanmar ralkap lutlai hna i fekthup in an i tlaihmi ramkhel policy ruang ah ramchung ral a hran chinnak hi a si tiah tlangcung hriamtlai phu TNLA nih soiselnak cathanh an chuah.

2019 January 5-9 tiang TNLA zungpi ah tuahmi central committee annual meeting ah ceihmainak an ngeimi pawl cathanh an chuahmi ah TNLA nih atu bantuk in a telh chih.

NLD cozah nih atu lio remdaihnak lamthluan ning in an kal ahcun an tuanchuah kho lai lo tiah PSLF/TNLA haotu nih RFA ah a chim.

Cozah nih ram pumpi kahngolnak an thanh i tlangcung hriamtlai phu pawl zapi tel khawhnak ding a fekmi ramkhel cawlcanghnak rian pawl an tuahtuan ding forhfialnak an tuah.

Cu pin ah cozah ralkap nih a kahdohnak hna pawl hi kan dohkalh i Ta’ang ramkulh ri a lonhtu RCSS ralkap pawl nih hnu an kirpiak hna ding an halnak kong zong cathanh ah an telhchih.

Ref: RFA

Na ruahning rak langhter ve.. (Leave a comment)

%d bloggers like this: