Ramdang Mi Nih Myanmar Ah Vawlei Hmun Ngeih Lo Ding Timi Tel In Hnatlaknak 14 An Fehter

Salai Aung Aung| 2018 July 17| Myanmar ram chungah Myanmar rammi sinak a ngeimi lawng nih vawlei hmun ngeihnak nawl ngeih ding timi tel in avoi thumnak kumzabu 21 Panglong conference ah hnatlaknak 14 an fehter.

Ramkhel kong ceihruah mi chungin nu le pa tlukruannak kongah aa telmi ah ralkap lei nih ramkomh Myanmar timi (Myanmar min) telh ding an duhmi cu fak ngai in alhnialnak he an ceih hnu ah an fehter.

Democracy Federal ah hram a bunhmi Ramkomh President Myanmar tiin Myammar timi min telh ding timi le nu le pa thleidannak um loin tlukruannak um ding mumai kan ser lai tiah an fehter mi ah aa tel.

Zatlang nun thanchonak lei he aa pehtlai mi hnatlaknak 7 an tuah.

Riithaisii dohnak, tunmerthannak le ngakchia covo kong zong aa tel. Chawlehthalnak kong lei ah cun ramthen le ramkulh cozah nih cawhlehthalnak lei kong simanking mah tein ser tikah ramkomh nih sermi mumai le simanking pawl he aa kalh lo ding le cu he aa pehtlaimi a dang ramkulh le ramthen hmunhma pawl thanchonak a hnursuan lo ding in ruah chih ding ti bantuk pawl aa tel. Avoi hnihnak panglong conference ah khan hnatlaknak 37 le tutan ahhin ceihmi 21 chung ah 14 hnatlaknak an tuah khawh caah panglong conference nih hnatlaknak 51 an tuah khawh cang ti nak si. .

Tutan i hnatlaknak an tuahmi pawl cu ramkhel kong 4, chawlehthalnak lei 1, zatlang thanchonak 7, vawlei hmun le kokek pawngkam thingram kong 2 tiin a dihlak 14 an si.+++
Ref: BBC Burmese

Na ruahning rak langhter ve.. (Leave a comment)

%d bloggers like this: