Ramkomh Kawlram Ah Ziknawh Eihmurnak A Karh Deuh; Transparency Int.
The Chinland Post: 2019 January 30| Ramkomh Kawlram ah kum 2017 nakin kum 2018 ah Ziknawh Eihmurnak (corruption) a karh deuh tiah Transparency International (TI) nih hlathlainak an chuahmi ah an langhter.
Ramkomh Kawlram ah, ziknawh eihmurnak hlathlaitu-NGO, Transparency International (TI) nih hlathlainak a tuahmi ning ah 2017 nak in 2018 ah Ziknawh Eihmurnak a tam deuh tiah theih a si.
TI nih tahnak an tuah ning ah, mark 0-100 tiang an hman. A thurhnawm bikmi (0) in a thianghlim bik (100) tiang kha mark 0-100 tiang an pek hna.
Kum 2017 ah Ramkomh Kawlram nih mark 30 a hmuh i, vawilei ah 130 nak a si. Ram 180 tahmi chung ah a thur hnawm bik 130 nak a rak si.
Nain, January 30 ah chuahmi, Transparance International hlathlainak ning in Ramkomh Kawlram ah 2018 ah ziknawh eihmurnak cu zor lei silo in a karh lei in a langhter.
2018 ah TI nih tahnak ning in, mark 29 lawng a hmuh i, vawlei cung ram 132 nak a phan. A tawne lei ah a tum deuh tinak a si. Ram 180 ah hlathlainak an tuahmi ah Ramkomh Kawlram cu, 132 nak dirhmun ah um.
Ramkomh Kawlram cu kan hnu kum nak in dothnih a tla deuh tiah an langhter.+++
Ref: Transparance International
About The Author
