Ramkulh Hrambunh Media Website Cheukhat Cozah nih Phih

TCP-Hakha| 2020 April 4| March 23-24 in Kawlram ramkomh Ramkulh cheukhat hrambunh Media website a simi Nihinjara, Development Media Group (DMG) le Karen News (English version) hna cu Cozah nih mizapi rel kho lo dingin a phih tiah thawng kan theih.

Hi thawngpang website hna hi Cozah ngeihmi MPT le Mytel internet a hmangmi internet line in zoh khawh a si tilo.

Hi kong he pehtlai in Ramkomh le tlangcungmi media tambik ifonhnak Burma News International nih COVID-19 zawtnak le ralrinnak kong tlangcungmi nih an theih lengmang khawhnak hnga, Mizapi Cozah tiah ruahmi NLD Cozah nih nitin mizapi theih a herhmi website le Chin ram ah internet phih tibantuk nan tuahnak hnga lo, Myanmar Press Council zong nih a herhningin bawmchannak nan tuahnak lai tiin March 29 ah statement zong an chuah.

Hi kong he pehtlai in BNI phunglam lei tlaitu Nan Phaw Kee nih “ Kawlram ramkhel aa thlen lio le Vawlei cung tihnung COVID-19 a chuah lio a si tikah thawngpang dikfel can hman tein kan chuah khawh hi a biapi tuk. Pehtlaihnak lei a thatnak lei cu kan tuah a herh” tiah a chim. Ref; SHAN

Na ruahning rak langhter ve.. (Leave a comment)

%d bloggers like this: