Ramleng a chuakding mi Chin mino 20 leng North Dagon ah tlaih an tong
The Chinland Post | 2022 August 3 – Yangon khua, Dagon myothit peng No. 39 sang ah chikhat a ummi Chin mino 20 leng cu a luancia July 31 zaanlei sml 5:00pm luan hrawngah SAC ralkap pawl nih an rak tlaih hna tiah sangmi hna nih RFA ah an chim.
Mah Chinmi hna hi ramleng chuak in rianṭuan dingah Chin ramkulh Mindat, Matupi, Hakha le Falam khua hna in Yangon ah a rak phanmi an si tiah Chinmi pakhat nih RFA ah a chim.
“Pa zeizat dah an tlaih hna ti cu a fiang in chim khawh a si rih lo. Khoika dah an hren hna ti kha kan hlathlai lio a si. Ramdang kal dingah Passport, a herhmi ca pawl a tuahmi an si. Ramdamg kal ding in an pehtlaih mi Company zong kan pehtlaih hna. Atu hi Palik sakhaan ah an um lio a si tiah kan theih”.
Tlaih a tongmi Chin mino hna hi kum 20-30 tiang an i tel.
Dagon myothit cu Martial law chuahmi khua a si caah mahka peng chungah tlaih a tongmi cu ralkap biaceih zung nih biakhiahnak an tuah tawn hna.
About The Author
