Ramleng Um Thimfung Thla Kho Sing 1 Hlei Ah A Cheu Nih Thimfung Thlak chungnak An Ngei Kho Cang

Salai Bawi Lian Sang| TCP-Kalay| October 14, 2020|Myanmar 2020 kum thimnak ah ramleng um Kawlram mi thim thla kho dingmi singkhat ah a cheu leng nih thimfung thlakchungnak an ngei kho cang tiah Myanmar Counselor Aung San Suh Kyi nih a chim.

“Covid-19 pulrai lio mipi nih kan ton mi harnak le lungretheihnak vialte hi zuamcawlhnak pakhat bantuk a si. Ramdang um mi zong thimfung thlakchungnak an ngeih cio cang. Me thla kho ding mi milu 109,470 ah methlak chung mi 50,520 an si .Pehzulh in thimfung thlak ding mi an um rih. Ramdang ah thimfung thlakchungnak an tuah bantuk in ramchung zong ah kanthok ve lai” tiah a chim chih.

Cun, Kum (60) cung lei tarpawl caah le Covid-19 pulrai runvennak kong ah mibu tampi umnak hrial khawh ding in thimfung thlakchungnak zong election commission lei tawlrel tu hna nih inn kip te kal in thimfung thlakchung khawhnak an tuah lai.

Ramkip um Myanmar Embassy (Tanzung) hmun(40) hlei ah a um. 2015 kum election lio ah ramdang ummi me a thla mi 30,000 hrawng an um tiah rampi election commission nih a chim.

2020 rampi election thimnak ah thimfungthlak chung mi sing 1 an si I October 12, 2020 ni tiang mi 50,000 nih thimfung an thlakchung cang tiah theih a si. Ref: DVB. TV. News