Rampi Vuanci In A Tanglei Paoh Cozah He Aa Pehtlai Lomi Puai Ah Kal Lo Ding In President Zung Nih Nawl A Chuah
TCP-Thantlang| 2018 June 19| Cozah he aa pehtlai lo mi puai ramchung, ramleng chawlehthalnak puai tuahnak ah kal lo dingin Rampi vuanci riantuantu, Naypitaw Council zung, ramthen le ramkulh cozah zungkip sin ah a tubantuk in President zungin thawngthanh nak an tuah.
Hi thanhca an chuahmi chungah President zung in nawlngeitu a si mi U Khin Lat nih minsen thut in June thla chungah nawl an chuah hi a si.
“Rampi cozah asiloah ramthen le ramkulh tlaknak le i bawm in tuah a si lomi, ramchung ramleng in pumpak/mibu chawlehthalnak kong ton biaruahnak hmun paoh ah sawmmi nan si ko zongah kal lo ding” tiah thanhca chungah aa tial. Cozah riantuannak kong he aa pehtlai lomi kongah vuanci, vuanci chang, Chief minister si ruangah sawmmi an si i an kal tikah an hmuh ning le an ruahning aa dan caah a tubantuk in thanhca kan chuah hi a si” tiah President zung in chimnak nawl a ngeitu U Zaw Htay nih Media sin ah a chim.
Ref: News Watch, RFA
About The Author
