Ramri Hauhruang Kulhkhammi Kong Kawlram Nih Lungtlin Lonak A Langhter Nain Tuluk Nih Ngol Loin A Pehzulh

0

Kawlram le Tuluk Ramri Hauhruang Kulhmi/ VOM

Salai David Van| TCP-Hakha| 2021 January 12| Myanmar nichuah chaklei Kachin State, Moe Moh peng, Luai Cee Myo, Myanmar-Tuluk Ramri Tuluk nih Thir Tung bunh in ramri hauhruang kulh khamnak a tuah lio mi ngol dingin Tuluk Ram lei tuanvo ngei hna sin ah 2021 January 10 ah Luai Cee Peng Uk Zung Lutlai le tuanvo ngei hna nih   lungtlinlonak ca an kuat hna nain Tuluk nih ngol loin pehzulhnak an tuah tiah theih a si.

Atu bantuk in ramri kulhkhamnak an tuahmi cu Moe Moh Peng Uk Zung Lutlai U Yin Min Htun nih ngol dingin theihternak ca a kuat  hna hnu ah Tuluk lei nih pe 220 tluk sau, ramri kulhnak thir tung 22 an bunh cang mi cu caan karlak an ngol nain 3:00Pm hrawngin cu rian cu an thok nolh than tiah theih a si.

Cucacun Myanmar-Tuluk ramhnih pehtlaihnak zohchih bu in Ramleeng Pehtlaihnak zung lei nih thawngthanhnak an tuah hlan le ramhnih tuanvo ngei nih hnatlaknak an ngeih hnu lawngah hi rian an tuanmi pehzulhnak tuah dingin  Penguk Lutlai Kawlram lei tuanvo ngei hna nih, Tuluk Ram, Cian Phung Myo taunvo ngei hna sin ah theihternak ca an kuat hna tiah theih a si.

Culawng siloin a luancia kum zongah Myanmar-Tuluk ramhnih ramri pe 2 thuk, 1 le cheu kau,  pe1100 sau tilam zong Tuluk nih an rak cawh caah Myanmar ram tuanvo ngei hna nih lungtlinlonak ca an rak kkuat bal cang hna tiah theih a si. Ref: Voice of Myanmar

About The Author

Na ruahning rak langhter ve.. (Leave a comment)

%d bloggers like this: