Kahdoh Thawk in Ramthlo, Tlangzar le Dokthek ah Inn 43 tluk an khangh cang
The Chinland Post| 2022 May 5 — Ralkap nih hramhram uknak lak hnu thok 2021 February 1 in pehzulh in a hun i thawkmi kahdohnak a chuakmi ruang ah Hakha le Falam karlak ah a ummi Ramthlo, Tlangzar le Dokthek khua thum fonh ahhin, inn 43 tluk an khangh cang tiah theih a si.
Cun, nihin chun May 5 ahhin hi a cunglei langhtermi khua thum kiangkamh kahdohnak ah Chin miphun ralkap 9 nih an nunnak an pek tiah theih a si. Kawl Ralkap lei bel minung 18 fai cu nithum chung kahdohnak ah thah an si tiah thilthei mi sin in kan theih.
Hi khuathum lak ah khuakhat a simi ah, upa pakhat nih Kawl ralkap nih hramhram uknak an lak hnu in, a hnu bik theihmi tiang ah, Ramthlo ram ah Chin Miphun ralkap arfi hna milu a liam zah hi ka palh lo ahcun mipum 13 an si” tiah a pumpak Fb cahmai ah a langhter.
Nihin 2022 May 5 ni thengte ah miphun ralkap 9 nih ram ca nunnak an pekchanh. Pathian nih Chinram le Chin miphun kan veng ko sawh seh. Pathian dah ti lo hnem khotu an um lo tiah a ngaihchiatnak cu Thantlang ah biacaihbawi rak tuanbalmi nih cun a pumpak lungfahnak cu Facebook cahmai a tuahmi ah tial.
Nihin kahdohnak kong thawng hika ah rel khawh a si. Relnak