Rangoon Biaceih Zung Nih Kumtlinglo Nupi A Firmi Pa Thong Kum 20 Tla Ding In Bia An Ceihpiak
City Hunter| 2018 April 20| Kumtlinglo nupi fir hi zeitluk in dah tih a nun? Kum 14 nu ngakchia a fir i nupi ah aa sermi kum 37 pa cu Rangoon Nichuahlei Pengkomh biaceih zung nih rian le thong kum 20 tla ding in bia an ceihpiak riangmang cang.
Hi ahmuh cu Rangoon nichuahlei pengkomh biaceih zung in pengkomh biaceih bawizik chang (7) nih tuanvo laak in chekhlatnak a tuah i atu bantuk in pohmah pahnih in April 19 ah biakhiahnak a tuah hi a si.
Sualnak a tuahtu Thet Zaw Wai cu nupa sualnak ahmuh pohmah 376 ning in rianhrang le thongdan kum 20, mifir ahmuh pohmah 363 ning in rianhrang le thongdan kum 5, dantatnak phunhnih tuar ding in biaceihpiak a si.
2017 April 11 zanlei New Dagon- Seihkaan peng ah khua a sami nu ngakchia cu a hawikom umnak Tungkhuah peng ah a va leng tiah Palek phu nih an ti. April 12 ah kumtlinglo nu ngakchia cu inn ah a rak tin than ti lo caah hringtu a nu le a pa nih a hawikom sin ah phone an chawnh i a hawikom nih cun a rak tin cang ko tung tiah a ti hna. Cu tikah an hlathlai i April 17, Dagon- Seihkaan peng No.91 sang um Thet Zaw Wai inn ah an va hmuh i an va auh tiah Rangoon ramthen palek zungpi nih an ti.
Cu hnu ah kumtlinglo nu ngakchia cu thil sining kong an hal i April 12 ah Thet Zaw Wai nih kumtlinglo nu ngakchia cu Tha-ke-tah ah rat ding in phone a chawnh i a va kal. Kama-gyi hlei pawng guest house pakhat ah Thet Zaw Wai he hmunkhat ah khua an sati tiin hringtu nu le pa nih an chim tiah palek phu nih cun an thanh.
Thet Wai Zaw cu dantat piak ding in kumtlinglo nu ngakchia a nu nih report a tuah caah Tha-ke-tah palek saakhan ah ya-za-tat-gyi pohmah 376/363 in ahmuh a tuah.
Credit: 7daydaily
About The Author
