Rangoon um hawikom cheukhat nih CNF caah Computer an hlut

0

CNA ralkap Computer cawnnak caah an hlutmi HP Laptop

Rangoon khualipi ah hrambunh in a ummi hawikom cheukhat nih Chin National Army (CNF ralkap) caah tiin Computer Laptop pathum an hlut tiah thawng kan theih.

Rangoon ah a ummi hawikom rual minung pakua tluk nih tangka i kholh in CNA ralkap Computer thiamnak an cawn khawhnak caah bawmhnak cu May 18 ah Dr. Sui Khar sin ah an pek tiah kan theih.

“CNF kan ralkap le abik in nu ralkap pawl nih Computer hman thiam dih hna seh ti kan duh. Kan Camp ah Latop siseh, Computer Destop siseh kan ngeihmi a tlawm tuk. Atu bantuk in Rangoon ummi hawikom rual nih ka sin ah Laptop pathum bawmhnak an kan pekmi cung ah kan i lawm. Santlai tha hnem tuk a si,” tiah Dr. Sui Khar nih a chim.

An hlutmi a phun cu HP Laptop phun a si i pechantu hna i Rangoon ah hrambunh in rian a tuanmi (min langhter an duh lo) an si hna.

Min langhter duh lo in ahlu tu ah aa telmi nih, “Pu Sui (Dr. Sui Khar) nih CNA ralkap caah Computer cawnnak (training) caah le hman-awk tampi an herh kong a kan chawnh i, Camp kir colh ding a si caah acaan tlawmte lawng kan ngei. Kan hawile minung 9 kan i khawmh manh i kan si khawh tawk CNF riantuannak caah kan pekchanhmi a si. Hmailei zong ah kan ti khawhmi a um ahcun kan i zuam lai,” tiah a chim.

“Ramchung ramleng a ummi mino tampi zong nih pumpak in, a bu in miphun caah riantuan mi CNF riantuan a thanchonak an bawmh kan theih. Hi bantuk in mino tampi nih kan hmuhmi nihlawh chung in fang khat hnih hi kan miphun riantuannak kan pek khawh ahcun thahnem tuk mi a si. Kanmah le umnak le sinak cio in miphun caah i zuam ko hna usih,” tiah forhfialnak a chim chap.

CNF nih an ralkap caah siseh, zung rian caah siseh, ralkap an fale fimcawnnak caah aa herhmi Computer telh in cawnnak he aa pehtlai mi a dang tampi an herh rih. Kut samh khawh peng a si rih tiah kan theih.

About The Author

Na ruahning rak langhter ve.. (Leave a comment)

%d bloggers like this: